الى الذي رحل ولم يوقظ الشمس بعده
كل الطيور الهاجرت ردت الحضن المدينة
وانت يالغايب ولا مريت فد ليلة علينة
كَـلت بنية رايح وارجعلكم
شنهي نيتك ما درينة
وينك انت
يخي لو نندل مكانك جا اجينة
حتى البوم الشوارع ما حفظ صورة الخطوتك من سألنة ودورينة
يطايرة ورق والخيط مكطوع
عكدنة الخيط وي خيوط الدموع
كَـلنه يوصلك بجينة
وهذا حدها
أوذنت دمعات امنة بصحن خدها
غروب والشيبات تنخه الله الوحدة
ربي رده بحضن مطرة
وي قطار الغيم كَــطرة
بحضن شيلة
وليلة ليلة
بسمرنة الكَـمر بسماك الك ناطور
ومدينة النبض سجة ودرب وجسور
بيارغ فصلينة الغيم وانذور
وظل لون الكَـمر مخطوف
تعال وشوف
تعال وشوف
كعبة عيونة وبيها الدموع اتطوف
والحسرات غزلتنه
والنكبات عصرتنه
دمع والدمع حصتنه وبعد منشوف
يا كَــطرة ترافه الكَــأع شربتها
ويا كَــمرة وجذب زنزانة طفتها
وينك مدلي ايدك
ياهو الباكَــ عيدك
وظلت تسأل الناس
وظلت تغني المدينة
طالت غيبتك يسمر علينة
طالت غيبتك يسمر علينة
